اي والله معك حق ...اسقا الله هديك الايام ادي كانت حلوة حلوة حلوة كتير ما بتنتسى ابدا ...كنا نحس بالطفولة عنجد ..وانا بقول الحمد الله اني عشت هيك طفولة .. مو متل هلق جيل محبوس مخنوق فاشل طفوليا"

شكرا يا أخ طريف على هذه الذكريات الحديثة نوعا ما وهل تذكر أنت وأنت قادم من دمشق وتفرق الى صحنايا كيف كانت تلاقيك رائحة الزيزفون والياسمين وتبقى مرافقتك الى صحنايا حيث بستان بيت الرز وبستان المرحوم الياس طعمة (هذه الذكرى نريد أن نقف عندها قليلا ونفكر كم هو ممكن أن نعيد تألق البلدة وروحانيتها وذلك بإعادة زرع أشجار الزيزفون في مداخل البلدة والياسمين في حدائقها وذلك بتعاون أهل البلدة مع البلدية والجمعية الفلاحية والوحدة الإرشادية والمدارس والنادي الرياضي فهلموا لنتكاتف جميعنا ونكون سباقين للبرهان عن محبتنا لبلدتنا ونحذو حذو محافظة دمشق التي تنوي زراعة مليون شجرت ياسمين في دمشق لتحيي طوق الياسمين ) ---------- -----------مع تحيات أسرة الموقع لكافة فعاليات البلدة وأهاليها

ايه الله يرحم هديك الايام وهداك الجيل كنا بكل هالبساطة بس كنا كتير فرحانين كانت الشغلة الصغيرة والبسيطة تفرحنا وكنا نحس بالاشياء وقيمتها ،اما الحسرة على جيل هالايام اللي ما عندو قيمة لاي شي ويمكن كمان ما عندو احساس حتى بالسعادة لانو ما بقى عندن اي طفولة او اي فرح طفولي وما عم يعيشوا ايامهم متل مالازم حسب عمرهم،وما عم يعرفوا انو م يضيعوا كتير من الفرح والسعادة بفقدانهم للبساطة والطفولة بتمنى انو يقدروا يرجعوا لبساطة هديك الايام ويعيشوا الفرح اللي كنا عايشينوا بتمنى من الاهالي انو يحاولوا يعلموا ولادهم البساطة ويرجعوا يحاولوايعطوهم من هداك الفرح والبساطة اللي كنا عايشينا وفرحانين فيها بتمنى انو يعيشوا ويحسوا بطفولتهم وفرحهم الحقيقي مو زيف هالايام

اي أكيد منتذكر ....صقالله على هديك الأيام ..شكرا طريف لاعادة تلك الذكريات التي مررت بها في طفولتي

الله يرحم هديك الايام وقت كنا نربط كاسة بلاستيك بخيط طويل من طرف وكاسة اخرى من طرف اخر ونحكي مع بعض اكتر من ساعة

شكراً إلك يا طريف، أيام حلوة كتير رجعنالها بذكرياتناوبحب ذكّر بملاعب الطابة الكتيرة بكل حارة وبلعبة شك الأراضي ولعبة المواظي. وببرية صحنايا وبساتينها وكيف كنا نجيب جارنك ومشمش وجوز ... ذكريات حلوة كتير.

وانا عم اقرا تحرك فيض هائل من المشاعر الحزينة يمكن زعل على جيلنا لان كبرناوراحت علينااوعلى اولادانا يلي ما طالو شي من ماضينا بس بضل بقول رزق لله على هديك الايام ولوكلمة ياريت بتجيب نتيجة كنت قلت ياريت بترجع يا زمنننننننننننننن

يا ست عشر سنة يا عمر الولدنة يا مين يرجعني زغير وياخد مالك يا دنيييي وارجع اكبر عالهدا

و كنا نلبس فساتين وكنادر كعب عالي و نحط تاج ونعمل حالنا آميرات إييييييييييييه صقاالله هديك الايام

والله معك حق ...اسقا الله هديك الايام كانت حلوة كتير ما بتنتسى ابدا

ياالله يا أخ طريف رجعتنا بالذاكرة لأكثر من عشرين سنة سقى الله تلك الأيام وفعلاً يا ريت ولادنا بيعرفوا يلعبوا مثل ماكنا نلعب أو يحضروا شي من أفلام كرتون القديمة مثل ملاعب الصغار وفلونة وهايدي ... إلخ والمسلسل البدوي الذي كان يعرض كل يوم جمعة الله يرحم هديك الأيام وشكراً على هالمساهمة الحلوة

والله زمان .... الله يرحم أيام البساطة

أي والله يا طريف سقالله هديك الأيام بس ليش ما ذكرت أيام ما كنا نلم أغطية الكازوز ونلفن بمطيطة حوالين بكر خيطان فاضي ونعلق الكركر بسيخ حديد منشان نعمل كريجة وكل واحد يزينها ويتفنن فيها على كيفه ويفتل فيها كل شوارع صحنايا منشان يفرجي العالم على شغله الظريف. فعلاً إيام واللي ما عاشها مظبوط كتير خسران

شكلها راحت عليك ياطريف( الخلقينة) كنا نستناها بالدور منشان سلق القمح ونرجع على البيت وما نجيبها وناكل قتلة من الاهل كانت تضل اكثر شيء بحارة المرحوم جاد الكريم عقل اما م الدكان تبعو او امام دكانة ابو اسد عيطة قرب الكنيسة وكنا بس نخلص سلق نروح نسبح بسرداب السبينة يلي الان مركز اسمنت وراء مزرعة ابو يوسف دبور الله يرحمه خلف المخفر القديم يلي الان بيت ابو عماد منصور الله يمد بعمره sameershaaban@gmail.com

وحياة الله هادا احلى مقال بقراه شكرررررررررررراا ضحكتنا كتير والله

أي والله الله يرحم هديك الأيام لماكنا نلعب سبع حجار وطميما وكميشا والله كنت موت من القهر لأني كنت أصغر وحده بالحارة وماكانوا أخواتي يلعبوني معهون مشان ماروح بين الإجرين عنجد كتير حلو المقال رجعتنا شي 15 سنة لورى