والله يا إخوان ما في مبررات للشي اللي عم يصير بس شو بدنا نحكي كل واحد عم يشتغل على كيفو المهم عندن مين بيجمٌع أكتر.........

يا عيب الشوم .. يعني كهربا وحديقة واولاد لالالا ما بيصير هيك لازم خزان مي او خلية غاز جنب الكهربا والخضار اليابس وفتحو محطة وقود بالحديقة ... بدكون تنهبو نهبو من غير ما تأذو العالم يعني ستفيدو بس ما تسيئو . ولكون لولاد فرحة هالدنيا خليهون ينبسطو لاحقين ليتعرفو عليكون ومن هن صغار حارمينهون ... ولما يكبرو .... ناهبيهون .. بس يمكن ما عاد تقطع الكهربا ولا يوم ولا تانية صار في خزان كهربا جديد وشارع مزفت بس مزفت بالوحل . ما تقلقو كلهون كام يوم وبيقوموه وبيعملو محلو حفرة لرمي النفايات عوجا ............... يا ريت اسكن بالغابي مو اشرف الي لحجار ما بتأذي

اشكر ادارة الموقع جزيل الشكر لانهم مع الحق واتمنى لكم التوفيق واللة يعطيكم العافية وشكرا

شكرا يا يامن على لفت النظر وشكرا لإدارة الموقع يلي كل اهتمامن بالبلدة وسكان البلدة. لازم كلنا نتعاون ونتكاتف لتبقى (قصدي لترجع تبقى) صحنايا بينضرب فيها المثل ولازم تعلى أصواتنا ( أصواتنا على أقل تقدير قبل أفعالنا) ضد كل مين بخرّب ببلدتنا تحت غطاء التحسين لتحصيل الربح المادي وشكرا مرة تانية.

صارت معروفة ببلدنا انو منحفر بعد ما من زفت ومن هدم بعد ما من عمر بعد ما ركزنا الحديقة تزكرنا نحط خزان كهربا بين الاطفال منشان يطلعو على ضهرو متل الملجء ملاحظة( حولين الحديقة اكياس القمامة موجودة ليلا نهارا بسبب الجيران الفهمانين يلي بكبو لزبالة بعد مرور سيارة البلدية )

في مرحلة ما فبل الاستاذ منيب ضاهر في وحدة المياه في صحنايا جرت امامي حادثة ورح تدوخني واليوم رح احكيها بهذه (المناسبة) كلنا نعرف بان بواري المياه تغيرت في صحنايا,سبب مبدئي (للتحفير)وعندها رست المناقصة على احد هؤلاءالسماسرةطبعا بالتعاون مع المسؤل(انذاك)سالت احدى العاملين في الورشة ما هو سبب الردم السريع للبواري مجرد وصلها تحت الارض ,تتطلع الي العامل وضحك بسخرية. واجابني كالتالي والله: ان المتعهد رست عليه المناقصة بالاتفاق مع المسؤول بادنى كلفة وهو الان( غيًر )المواصفات التي كانت يجب ان تضع تحت الارض ليتضاعف الربح لذلك (السبب) وبالاتفاق مع (المسؤول) كان الردم سريع دون تجربة الوصلات ان كانت (تسرب )اولا لكي لا ينكشف الامر علما بانه من المعروف بان يتم تجريبها بالكامل من اجل الاصلاح قبل الردم والتزفيت ولكن للاسف الشديد انا ما رح كفي انتم اعرفو الباقي ولا تسأل اخي المواطن عن سبب (العبث والتخريب )فالامور صارت( واضحة) وانا ارسلت مثل هذه المصيبة بخبر سابق ولكن اسرة الموقع مشكورة جدا لعدم نشره وذلك لاني انا فعلا كنت كاتب اسماء الاشخاص انذاك وذلك لتلافي المشاكل (فاذا عرف السبب بطل العجب)والمصيبة الاكبر كل مانكتب حادثة للاصلاح في البلدة بينط احد الاشخاص (طبعا من غير ما يوضًح عن اسمه مثل العادة)بالتعليق السلبي على الموضوع . شكرا يامن ,شكرا اهالي البلدة الجميلة ,شكرا لاسرة الموقع

اريد ان الفت النظر الى انه اسوء مكان لتركيب خزان الكهرباء و خاصة و انه في حديقة للاطفال والتي اصبحت تعج بالاطفال الذين يرتادوها من كل احياء البلدة و حيث قامت البلدية مشكورة بترتيبها و صيانة مراجيحها و انارتها في الاونة الاخيرة بالاضافة الى ان تنفيذ الحفرة ادى الى اقتلاع ما لا يقل عن 3 اشجار من الاشجار المعمرة ( شجرة نخيل احداها ) و شجرة صفصاف الثانية و الحفرة بجانب شجرة السرو الكبيرة مما يهددها بالموت و يا اسفاه على هذه الاشجار التي كانت تزين المنطقة و انفقت عليها البلدية الكثير لاجل الاعتناء بها و هل دخل في حسبان شركة الكهرباء او البلدية طريقة تمديد كابلات الكهرباء حيث انه وعلى جانبي الطريق مملوء بالشقق السكنية او انهم ينوون حفر الزفت الذي لا يزال ساخنا ( منذ يوم فقط من حفر الحفرة قامت البلدية بتزفيت الشوارع في الحي ) و من قال لكم ان الكهرباء في الحارة ضعيفة حيث ان الحارة لا تبعد عن مركز تحويل الكنيسة سوى 100 متر ، الا يوجد احياء في صحنايا بحاجة اكثر الى هذه المحولة و خاصة اخر طريق مدرسة الثانوية الذي يشتكي دائما من ضعف التيار نريد القول اين راي البلدية و اين راي اهل الحي و اين راي المحافظة في اقتلاع الاشجار و اين هي ضمائركم في تنفيذ مركز تحويل بجانب مراجيح للاطفال أو هل تكفي عبارة انتبه خطر الموت على مركز التحويل لايقاف طفل يلعب و من يتحمل امكانية الوقوع في خطأ كهذا لذلك نطلب منكم ايقاف التنفيذ و احترام ضمائركم واطفالنا

و (يا فرحة ماتمت )بانتظار المبررات

نتمنى إعادة النظر بخصوص وضع خزان كهرباء بالحديقة لأنني أعتقد أنه سيكون مصدر خطر على الأطفال وحتى منظر الحديقة سيكون سيء.. لكم الشكر

انو بس يشوفوا الشجر يلي حد الحفرة ويحطوا تقدير للخريق يلي ممكن يصير في حال لاسمح الله انفجر الخزانز.وهنا ليس بوسعي القول الا: اذا أردت أن تخطط لمدة سنة,فازرع حبا,أما اذا اردت أن تخطط لمدة قرن,فازرع شجراً*****,أما إذا اردت أن تخطط للدهر فثقف ودرب الناس لا تعليققققققققققققققققققققققققققققققققق.......................

كيف بدن يعيشو غير من ورى التصليحات

يالأخي الكريم تركن منشان الله لأنو الواحداذا حكا أو ما حكا ماحدا رح يرد عليه

ما لاقو غير الحديقة لاخزان كهرباء ولا نحنا هيك دائما مامنحب نعذب حالنا ليش لا ندور ونتعب ما بكفي حديقة الأزروني ماعاد استرجينا نمرق من هنيك من خوفنا لا تفجر الكهربا فجأة بس شو بدو يحكي الواحد قلة الحكي أحسن

ركضت العالم فجأ والجار يسأل شو صار والشجر يستنجد بالحجار والولد مانو عرغان شو صار والدخان طالع والنار عم تحمى كلو عم يسأل شو صار والطفايات اللي ع الرصيف ناطرة مين يعبيها لك فهموني شو صار لك انا مجنون لك ناس بتدور تتعمر وناس بدا ترجعنا نركب ع ضهر ال ح م ا ؟ مشهد حريق افتراضي لاحد خزانات الكهرباء في احدى القرى البعيدة النائية في سويسرا الله يبعد البلا نحنا وين وسويسرا وين ؟؟

والله حترنا خلينا نفكر محل مؤسسة الكهرباء شي شوي بس يعني نركب محطة كهرباء في حديقة افضل او تضل تنقطع الكهرباء افضل خصوصا بهيك حارة يضل الولد بدون ضو ولا كهربا ولا يروح يلعب بالحدائق المخصصة للأطفال يعني وين بدنا نركب المحطة على سطح بناية ولا بنص الشارع واذا ما عززنا البلد بالكهرباء ( ياأخي المؤسسة ما تشتغل ) وإذا عززنا البلد بمحطة كهرباء ( يا أخي بدن يحرقو الولاد) ولله حيرتونـــــــــــــــــــــــــــــــــــــــا

على الرغم من المقالة التي نشرة على هذا الموقع الكريم بعنوان (بعد الفرحة)فقد تابع اصحاب الهمم العالية بناءمحول الكهرباء في الحديقة العامة عملهم غير ابهين وغير مهتمين بما نشر و التعليقات التي طالبت جميعها بعدم تخريب الحديقة ووضع الخزان الكهربائي فيها بما له سلبيات و خشية على اطفالنا و لم نرى رد واحد ولا تبرير واحد (شو السر يا ترى ) .:. 2010-03-18