شعر زين شعيب....قصيدة الشر
انا بقلبي فتحت للشر ملهى ..... شغلي ما حدا قبلي عملها
انا الشر التبعتو عن فصاحة ..... وقوافي بتسكر السامع جملها
انا شري عطا النحلة صراحة ..... ببخة سمها تحمي عسلها
انا شري متل سكة فلاحة ..... جرحت الارض تيفرخ سبلها
انا شري متل مبضع جراحة ..... بضعت الروح تاشفي عللها
انا شري عطا للفرن راحة ..... حرقت اللقمة الغيري اكلها
انا شري متل يوم المناحة ..... جمعت الناس تفرق زعلها
ولو ما سلاح شري بكل ساحة ..... يحافظ عالضعاف من القوايا
النعجة كانت بتاكل حملها
اقتباس عن منتدى الجولان