2024-09-20 08:19:38
- فيروز

عزيزتي فيروز : جسر اللوزية يلي بالضيعة صار في عليه حاجز وبراميل ورشاشات وطريق النحل ماحدا عم يسترجي يمشي عليه خوفاً من شي عبوة ناسفة مزروعة ع جنبو. وبکرم اللولو ياحرام :شالو العناقيد السود يلي ع التلة وزرعوا بدالن مدفعية وکم شتلة دوشکا وغرستين شيلکا. والناس صارت کلا عاقدة الحاجبين ... و شادي مو بس ضاع کمان استشهد مع جورج وعلي و عمر ، والسيارة ماعم تمشي مو لأنو ناقصا دفش ،لأنو ماضل معنا حق بنزين ودروب الهوی انقطعت بالدواليب المشتعلة، وبدل ماندق المهابيج صاروا يدقونا بالهاون. ....... فلذلك أنا قررت أعمل متل حنا السکران وضل غايب عن الوعي بلکي بيجي حدا من الحراش بيفيقني وبيقلي بلدي رجعت متل ماکانت وبوعی ع صوت فيروز عم تغني : شآم ما المجد أنت المجد لم يغب .. أديب الصويتي .:. 2012- admin