2024-10-11 09:26:09
- رسالة من ابن لأمه

يا أمي اسمعي شوية كلام من قلب تعبان...وهي قصة ألم لا نمقها كاتب ولا شاعر ولا فنان... يا أمي اسمعي شوية كلام من قلب تعبان... وهي قصة ألم لا نمقها كاتب ولا شاعر ولا فنان... من بعد غيبتك يا أمي أحتاج أنام بحضنك وأحس بأمان... سنين عمرك ضاعت... وأعذب نفسي كأني السبب... وندمان... دموعك والله بليالي الظلم تروي بلد عطشان... وتحت لحافي كنت أسمع نوحك وأبكي وبأمرك والله عجزان... يا أمي شو اعمل؟ شو أقول؟ القاضي بقضيتك حيران... !!! وغاب الحق والعدل وسقط الميزان... إنتي الأم الي بّكت رجالها ودمع الرجل والله صوان... انتي إلي بكيتي الأخ والإبن... والأب في قبره وجعان... يا أمي والله بين أصحابي أشكي وأبكي مثل نسوان... أنا من الرجال واشكي من ظلم الرجال !! والي عشتي معه سنين حرمان... أكتب ومن قلبي أطلع الوجع... وبحروفي مش خجلان... العيب والخجل لما نشوف الظلم ونسكت... ويغيب الوعي مثل ما غاب عن سكران... قلبي اليوم بدي أغسله من الآهات وماضي من سنينه هلكان... نذرا علي يا أمي من بعد شوفي عذابك ما أظلم أنثى... و وجعك صار درس عريض العنوان... بكتب رسالتي و بليل أسود لا نور ولا شمع فيه... ووحده نار وجعك بقلبي شعلان... بكتب والدمع يسكب عالورق وفيه حكاية ظلم الإنسان للإنسان... لا تحكي يا أمي وعارف إلي بقلبك... نقله لي الحس والوجدان... وعايش ألمك و نسيت إني ابنك...!! وصرت ألعب دور الأب والأم وأعطيكي الحنان... !! همي أنا ناسي لكن همك والله عتلان... جباااااااااااااال يا أمي ما حملت الهم... بس همك أنا حملان... وبختام رسالتي يا أمي... أبشرك الدنيا مش رابح وخسران.... وتأكدي الدنيا صابر وكسبان... وما راحت يا أمي إلا على من تجبر وظلم وهان... ويا بخت من عاش مظلوم واستغفر ربه المنان... لي رجاء عندك يا أمي تنسي الألم وتقولي ربي يا رحمن... ان كان ما نفعك بالدنيا بشر عند الرب إن شاء إلك قصر وجنان... وبدعي يكون يومي قبل يومك وأمانة تزرعي على قبري شقائق النعمان... منقول عن دنيا الوطن ( باسمة ) .:. 2009-11-16 admin