2024-11-10 15:01:12
- مجموعة نكت

- مجموعة نكت في طالب في الجامعة كان عنده مادة من المواد اللي بيدرسا مختصة بعالم الطيور ..ولما قرب امتحان المادة آخر السنة .. الطالب راجع وراجع لحد ما شقف حالو من الدرس. المهم.. دخل الامتحان وهو واثق مليون في الميه إنه جاهز ورح ينجح وبتفوق كمان.. المفاجأة انو الأستاذ جبلون سؤال واحد بس.. السؤال كان عبارة عن صور لرجلين بعض الطيور.. والمطلوب معرفة أسماء الطيور من شكل رجليها بس!! صاحبنا عصب وضرب راسو وما عرف يحل السؤال.. قام من الكرسي وراح لعند الأستاذ وسلم ورقته فاضية وقلو: تضرب انـت ومادتك.. . رد عليه الإستاذ ببرود وقلو: اعتبر نفسك رسبان بالمادة يا حبيب.. بعد شوي.. لاحظ الأستاذ أنو الطالب ما كتب اسمه على ورقة الإجابة.. قلو بنرفزة : وين اسمك على الورقة يا ولد ؟ قام الطالب رفع بنطلونه لفوق لعند ركبه وقلو: بحياة أمك بتقدر تعرف اسمي من شكل رجليي ============================================ وحدة تقول لزوجها.. شو رأيك تذبح خروفين بمناسبة مرور 10 سنوات على زواجنا..؟ قال زوجها: شو ذنب الخروفين بغلطة ارتكبها حمار.. ================================================== حمصي سأل حمصي ثاني: إيمتى الخميس؟... رد الحمصي: ما بعرف يا السبت يا الأحد. ============================================ محشش بيحكي مع حالو :ضفدع بالصحن؟ لا أرنب بالسطلّ لا لا أكيد تمساح بالبانيو ! أحسن شي اتصل بالدكتور.. ألو دكتور شو اسم المرض اللي عندي؟؟ الدكتور: هي عاشر مرة بتسألني... معك سرطان بالحوض. =========================================================== سألوا أردني: ليش أنت دائماً مكشر وعصبي...؟؟ قال : قهوتنا مرة.. وبحرنا ميت.. وخليجنا عقبة.. وطبختنا مقلوبة.. وأشهر الأسماء عنا: زعل ومهاوش وعدوان.. ومطربنا اسمه متعب.. وأشهر أغانينا: ويلك يلي تعادينا يا ويلك ويل. وبدك إياني ابتسم ... !! ====================================================== واحد كسول جداً راح للحلاق وجلس على الكرسي ومنزل راسه.. قال له الحلاق: شعر ولا دقن؟ أجاب الكسول: دقن. قال له الحلاق: ارفع راسك. قال الكسول: لا خليه شعر. ============================================== شو الفرق بين العنزة الجاهلة والعنزة المتعلمة؟ العنزة الجاهلة بتقول ماء, اما العنزة المتعلمة بتقول H 2 O =========================================================== جيهان شرو- المانيا .:. 2009-12-03 جيهان شرو- المانيا