القائمة الرئيسية
RSS
الارشيف
االشريط الاخباري
تصويت
ما الذي يشدك الى الموقع
محرر اونلاين
اعزائي زوار الموقع اتمنى واياكم عاماً ملؤه السلام والامان والتعالي على الجراح .
القائمة البريدية
اكثر المقالات قراءة
- ليش؟ لماذا؟
- ليش؟ لماذا؟- ليش؟ لماذا؟
لماذا نرفع أكتافنا إلى الأعلى عندما نضطر للمشي تحت المطر من دون مظلة؟؟ يعني هيك ما رح نبلبل؟؟
لماذا نخفض صوت المسجلة أو الراديو بالسيارة عندما نشعر بأننا دخلنا بالطريق الخطأ؟؟؟ يعني هيك منصير منعرف الطريق الصحيح؟؟
لماذا عندما تكون بطارية الريموت كنترول ضعيفة نقوم بالضغط بقوة على الأزرار؟؟ يعني هيك منشحن البطارية؟؟
لماذا نكتب اسمنا أولاً بالقلم الذي أهدانا إياه أحدهم؟؟؟ يعني لها الدرجة فرحانين باسمنا؟؟
لماذا نقول هدية مجانية؟؟ و هل يوجد هدية غير مجانية؟؟
لماذا عندما نكون داخل المنزل و السماء تمطر نسأل: هل السماء تمطر خارجاً؟؟ يعني بحياتها مطرت جوّا مو برّا؟؟؟
لماذا عندما نقرأ على الحائط احترس من الدهان ؟؟ لا نصدق بل نجرب ذلك بأصبعنا؟؟ يعني بدك يلي دهن الحيط يحلفلك يمين.
لماذا عندما تركن سيارتك في موقف خالي تماماً من السيارات يقوم السائق الذي يأتي بعدك بوضع سيارته بجانب سيارتك؟؟ يعني بيترك الموقف كله وبيوقف جنبك!
لماذا عندما يتأخر المصعد نضغط عدة مرات على الزر؟؟؟ يعني هيك بحس على دمو و بيستعجل؟؟
لماذا عندما تكون منتظراً المصعد و يأتي شخص آخر تجده يضغط أيضاً لطلبه؟؟ يعني مو شايفك بالمرّة!
لماذا نفتح فمنا عندما نقوم بإطعام الطفل الصغير ؟؟؟ نحنا يللي عم ناكل و لا هو؟؟
لماذا عندنا استعداد لتصديق أي شخص يهمس في أذننا ؟؟؟ يعني الوسواس الخناس أصدق من الناس؟؟؟
لماذا عندما نتصل بالهاتف يكون الرقم الخطأ دوماً غير مشغول؟؟
لماذا نشعر دوماً بأننا بحاجة إلى 10 دقائق نوم إضافية كلما استيقظنا صباحاً؟؟
لماذا الشخص الذي يشخر ليلاَ يكون أول من تغمض عينيه؟؟ يعني ما بكفي شخيروا و ببلش في بكير كمان!!
و ليش لما بتشوف واحد عم ياكل ليمون ,, بتحمض و بتشط ريالتك ؟؟ انت اللي عم تاكل ولاّ هوِ
ليش بعد ما نشرب آخر شفة من فنجان شاي منطلع فيه إذا بئي كمان ولا خلص ... يعني ما منصدق حتى نشوف
ليش لما بتكون بمكان عام وبتمسع رنة موبايل فوراً بتطلع على موبايلك .. شو حضرتك كتير مهم لحتى يرن موبايلك بين كل هالبشر.
فكروا بهالكلام، صحيح ولا لأ.
د. شاهين
د. شاهين .:. 2009-06-28
التعليقات
أنا برأيي ما في داعي أنو الواحد يسأل حالو ليش أو لماذا على هيك أسئلةأنا بعتبرها تافهة, لازم يسأل حالو ليش الواحد بيكره بيقتل بيحقد ,شو رأيك يا د.شاهين
إلى أم اللول
د. شاهين
الكره والقتل والحقد أمور ما لازمها أسئلة واستفسارات، لازم نمنع الكره والقتل والحقد من التعشيش بقلوبنا بدون ما نسأل أنفسنا ليش لإنه ما في تفسير وتبريرات لهيك أفعال بس لازم نسأل أنفسنا (ليش) عن أمور انت بتشوفيها تافهة لإنها بجوز تقود لاكتشافات كبيرة وهامة مثال: نيوتن شاف تفاحة وقعت من الشجرة فسأل : ليش وقعت لتحت مو لفوق فقاده هالتساؤل لاكتشاف الجاذبية الأرضية.
هيك لانو هيك
..
اجمالا كلو صح. بس ليش .. هيك ..او ردة فعل لا اردية.او لنتاكد او لنركز او مابنصدق .المخ البشري هيك
لا إرادي
صحناوية
من جهة صحة هذا الكلام فهو صحيح مئة بالمئة أما من جهة الإجابة عليها (لماذا ) أظنها ردود فعل لا إرادية تصدر عن الإنسان لسبب ما ولا أظن أن الأشخاص العاديين قادرين على معرفة سببها أو تفسيرها إنما هي بحاجة إلى أشخاص مختصين بدراسة تصرفات الإنسان وردات فعله فهم لأدرى بذلك
مشاركة
sameer shaaban
راقب افكارك لانها ستصبح افعالك .......وراقب افعالك لانها ستصبح عاداتك ........وراقب عاداتك لانها ستصبح طباعك .........وراقب طباعك لانها ستصبح مصيرك sameershaaban@gmail.com ph-00966567995504
دائما لديك الجديد
رررر
اه يا دكتور عم نكتشف بحالنا تصرفات صغيرة عم نعملها وما عم ندرة او بالاحرى ما عم ننتبه فنشالله نكون عم ننتبه على التصرفات الكبيرة(ايمتى رح نسمع الجواب على الاسئلة شوئتنا نعرف)
أيضا لماذا
طريف
ـ لماذا نشعر بالنعاس ونحن نُصلي.. ولكننا نستيقظ فجأة ونشعر بالنشاط فور انتهائنا من الصلاة ؟؟؟؟؟ ـ لماذا نسهر الليل كل يوم من أجل مباراة في كرة قدم أو مشاهدة فيلم أو مجالسة صديق ولا نسهر بقراءة القرآن أو الصلاة؟ ـ لماذا نستيقظ باكراً من أجل العمل ولا نستيقظ من أجل صلاة الفجر؟ ـ لماذا نخشى مراقبة الناس لنا ولا نخشى مراقبة الله؟ ـ لماذا يصعب علينا الكلام عن الله تعالى وأمور الدين... ويسهل علينا الكلام عن باقي الأشياء؟؟؟؟؟ ـ لماذا نحس بالملل عند قراءة مقال ديني... ونشعر بالفضول عند قراءة مقال عن أي شيء آخر؟؟؟ ـ لماذا نُحب سماع الأغاني بسياراتنا...؟؟ ونكره سماع القرآن فيها. ـ لماذا نبكي من أغنية صد وهجر ولوعة ولا نبكي من خشية الله؟ ـ لماذا نغضب إذا انتُهكت حرماتنا ولو بكلمة..؟؟ ولا نغضب من انتهاكنا لحرمات الله...؟؟ ـ ليش وأنت تقرأ هذا التعليق تبتسم...؟؟ يعني اللي كتبه بيشوفك..!!؟
كتير حلوين بس.....
........
لانو هي تقريبا حركات لا ارادية بس بدي اسئلك سؤال :انت جاوبت على هالسئلة كلااا
قابل للنشر
أم اللول