نشكر د0شاهين على مواضيعه الهامة وبرأيي أن الرجل الخجول مثل الطير المسجون بقفص تحيط به القيود من كل جانب-00000ولايملك الرجل الخجول أي مبادرة ويقف الخجل عائق أمام طموحه ويجعل حياته أكثر من هامشيةولايكتسب أي أعجاب من الأخرين

ان الخجل والحياء من أسمى صفات النساء ولكن اذا كان مقترن بصفة من صفات الرجال فكان نوعا ما غير مقبول أو محبذ لأن رجل يجب أن يكون منفتح على من حوله وعلى مجتمعه ويجب أن يتحلى بمواقفه الجريئة وشخصيته القوية والمتزنة وأيضا يقف الخجل عائقا أمام تحقيق الرجل لأهدافه وطموحاته

التنين مع بعض

بشكل عام مصطلح الخجل ما لازم يدخل بالحياة اليومية للرجل .... بس طبعاً الخجل هو مرض نفسي و ليس عضوي لأنو مالو علاج بالعقاقير الطبية و الأسباب يلي بتدفع للخجل هي أسباب وراثية و بيولوجية و صحية و بيئية ، الأسباب الرئيسية يلي بتدفع الشخص ليكون خجول و ما يقدر يندمج بالمجتمع المحيط فيه هي بنظري: قلق الأم الزائد على الطفل و مراقبة تصرفاته بشدة هادا بيكون نتيجتو عدم انطلاقته و الانطواء على الذات العراكات يلي بتصير بين الأب و الأم يلي بتكون نتيجتها عدم شعور الطفل بالأمان و الخوف القسوة على الطفل اذا ارتكبلو شي غلط بيكون نتيجتو الشعور بالنقص و اذا كان الطفل بيتئتئ بكلامو ما لازم نشعرو بأنو هادا الشي عيب خلقي دائم لأنو كمان بيكون نتيجتو الشعور بالنقص

هلق الخجل مطلوب لانو الشباب ما عاد يستحو بس كل شي زاد عن حدو قلب ضدو يعني الخجل من صفات البنات مو الشباب بتمنى تكون فكرتي وصلت صح

الخجل موجود عند كل شخص مهما كان الشخص جرىءومنفتح لكن لكل شيء حدودعلىالعموم لانستطيع ان نقول عن الخجول انه مريض نفسي اذاكان ضمن المعقول ولم يؤثرخجله على حياته اليومية بل على العكس اعتقد انها احد قيمه الاخلاقيةوعلى الاغلب تكون مكتسبة من محيطه

الخجول الادمي المهذب المذوق الذي يراعي شعور الاخرين هذه الصفات اصبحت نادرة في هذا الزمن زمن الوقاحة زمن سيطرت المال و000000 انا الااحبذ الشاب الخجول هذه الايام لانو لا الصبايا بيناسبن ولا الشباب بيفضلواولا ممكن يشتغل الا( بلكنفة) او بالبيت مع الماما او يورد بقدونس مفرمة لسوق التنابل.... للخجل اسباب متعلقة بكثير من الامور منها التربية المنزليةالخاطئة كلكبت الدائم من قبل الاهل ومنها احساس بالضعف في امر من الامور يحس الخجول ان الناس تراقبه مثلا في اي من تصرفاته فيصبح مقيدا منزويا الضعف المادي في هذا الزمن زمن الخنافس يجعل المرء خجول ايضا مع العلم اننا من الصعب ان نجد احد الاشخاص الغير متعلمين خجولالانه انطلق باكرا الى الحياة العملية....الموضوع يحتاج الى الاكثر من ذلك وعذرا على الاطالة

خير الامور اوسطها يعني لايكون الرجل خجول ولا يكون وقح والحياء حلو

اول شي بهنيك على الموضوع الحلو والمهم بعدين بنعرف انو الشخصية الانطوائية هي الشديدة الخجل وبالتالي تؤدي الى عدم الثقة بالنفس يجعلك شخصية تابعة طبعا الخجل عند الرجل أصعب من الخجل عند المرأة اما الجواب لسؤالك هو : هناك اختلاف بين درجة الخجل التي بين شخص وآخر حسب طبيعة الشخص وتكوينه وجنسه وكذلك هنالك اختلاف في نظرة المجتمع الشرقي للرجل الخجول تختلف عن نظرته للمرأة الخجولة. ويؤكد علماء النفس أن عقدة الخجل إذا ما استبدت بالرجال تعتبر مرضاً نفسياً يفقدهم الكثير من مقومات الرجولة مما يحدث خللاً في حياتهم الشخصية والاجتماعية. والخجل المفرط عند الرجال يعتبر شيئاً غير طبيعي لا يتناسب مع مقومات الشخصية الناضجة. طبعا الشرح منقول من احد الكتب النفسيه وشكراً

جميل أن يكون للرجل صفة الخجل ولكن أن لا يكون متخصصا به فيكون نقمة بدلا من رحمه . على أية حال اذا كانت تلك الصفة تساهم في تكيف الرجل فهي ضمن الحدود المقبولة واذا كانت تساهم في اعتلال صحته النفسية وسوء تكيفه تكون قد تجاوزت الحد المقبول لها . والموضوع يلاحظ كثيرا في بيئات تربوية ذات طابع معين .عذرا للاطالة مع الشكر والتقدير .

الخجل شي مهم لانو الشباب ما بيتحبكو بس كمان الشب الخجول يعتبر مريض او معقد

هلق أكيد كلمة (مريض) مش هيي الكلمة المناسبةلحالة الرجل الخجول ممكن نسميها مشكلة أو عائق أو أي شي تاني بس ((مريض))تعبير مبالغ فيه و بشكل عام اذا كان المفروض يكون الواحد خجول كتير ليكون مهذب فأنا ماني مهذب.

أنا برأيي انو الخجل صفة حلو تكون موجودة بالشب بس ماتتجاوز حدودا وهو بيدل علىنوع من التهذيب طبعا اذا كان ضمن الحدود المعقولة واذا ماكان هاد الخجل بيعمل عرقلة بحياتو الاجتماعية والمهنية

شكرا حكيم عالمواضيع الحلوة يلي عما تطرحا هلق الشب مو حلو يكون كتير خجول لأنو هالوقت بدو يكون الواحد فتح أما الخجل أنا برأيي صفة منيحة بالشب ومتل ما قال المثل كل شي زاد عن حدو أنقلب ضدو

كيفك د.شاهين الموضوع حلو انا برأي انو الخجل اذا كان بشكل كبير بكون حاجز للرجل بحياتو العمليه والمهنيه والعاطفيه وبحس كل انو مراقب من كل العالم وانو العالم ما الا شغله ولا عمله الا هو . وبعض الرجال ما بيكونوا خجولين بس مابيكون عندن ثقه بلنفس وبينطبع عند الناس فكره انو هو شخص خجول والخجل لاعيب ولا حرام بس ضمن حد لانو كل شي زاد عن حدو نقلب ضدو وانابرأي مابصير الرجل يكون منفتح كتير لانو كمان كل شي زاد عن حدو نقلب ضدو والنتيجه من كل هلحكي انو الخجل لازم يكون صفه من صفات الرجل بس ضمن الحد الطبيعي {خير الامور اوسطها}

الخجل هو الخجل بس خجل عن خجل بيفرق و الخجل حلو عند التنين

نحنا بيفرض علينا واقعنا انو نكون متحدثين ومنطلقين وألا رح يتولد عنا مشاكل كبيرة بغض النظر بخجل او بدونوه صفة الخجل حلوة بس زيادة الخجل مرض نفسي بينعكس عصاحبو هالايام