- نكت على ذوقك...

- نكت على ذوقك...- نكت على ذوقك...


مرة اتنين أغبية كانوا ماشيين في الصحراء طلع عليهم نمر راح واحد رمى عليه طوبه(حجرة) وقعد يجري وبص وراه لقى زميله واقف ما بيجريش قاله ما بتجريش ليه ؟ قاله واجرى ليه هو انا اللى ضربته...!
ـــــــــــــــــــــــــــــــــــــ
مره واحده حامل, ابنها الصغير بيسألها:أيه اللي في بطنك ده يا ماما؟ قالتله :ده أخوك يا حبيبي...تاني يوم و هوه في المدرسه المدرس سأله:انت عندك اخوات؟ قاله:كان عندي واحد بس ماما أكلته.
ـــــــــــــــــــــــــــــــــــــ
توأم بيقول لأخوه التوأم وهو متنرفز(معصب) إنت كنت فين ياعم أمك حممتنى مرتين.
ــــــــــــــــــــــــــــــــــــــ
مرة ولد صغير سأل والده: باب انت جبتني ازاي؟ قال اللأب: بص يا حبيبي احنا جبنا شوية سكر و حطناهم تحت السجادة جينا تاني يوم و رفعنا السجادة وجدناك. ففكر الابن فيها "إيه لو أبقي أب من الأن" فجاب شوية سكر و وضعهم تحت السجادة صحي تاني يوم وجد صرصور فقال:"لو ماكونتش ابني انا كنت قتلتك."
ـــــــــــــــــــــــــــــــــــــــ
مرة واحد غبي ماشى فى الشارع قال يارب يااااارب احط ايدى في جيبى الاقى 10جنيه يااااارب، حط ايده في جيبه لاقاه مخروم رجع يدور عليها لتكون وقعت.
ــــــــــــــــــــــــــــــــــــــــ
مرة اتنين أغبية طالعين رحلة فالسواق نزل استراحة ورجع لقى الفتيس(الجير) مش موجود قالهم الفتيس راح فين...قالوله لقيناك يا عم طول الطريق عمال تشد فيه مش عارف تخلعه قولنا نشلهولك.
ــــــــــــــــــــــــــــــــــــــــ
محشش يهني بالعيد :بمناسبة أعياد تحرير سيناء أتمنى لكم رحلة ممتعة جعلها الله ولادة ميسرة وانتصارا لفريقنا القومي وشفاكم الله و عافاكم مع خالص تمنياتنا بالنجاح و التوفيق للسيد الوالد في الامتحانات ولا أراكم الله مكروها في عزيز لديكم...وشكرا
ـــــــــــــــــــــــــــــــــــــــــ
عايزين ندخل فيل جوة الكباية(الكاسة) نعمل أيه؟ نحط ورقة على الكباية وبعدين نحط الفيل على الورقة وبعدين نيجي بشويش ونشد الورقة بسرعة الفيل يقع جوة الكباية.
ـــــــــــــــــــــــــــــــــــــــــ
مرة واحد طويل جدا شرب لبن مات ليه؟ لأن اللبن صلاحيته انتهت عالطريق قبل ما ينزل بطنه.
ـــــــــــــــــــــــــــــــــــــــــ
ليه المسطول بيعينوله خمس شياطين مش واحد بس....؟ واحد يوسوسله و أربعة يفهموه.
ـــــــــــــــــــــــــــــــــــــــــ
.....أتمنى أن تنال إعجاب الجميع.....
Kemo .:. 2009-05-31

عنوان التعليق*:

اسم الكاتب*:

نص التعليق*: