ما الذي يشدك الى الموقع
اعزائي زوار الموقع اتمنى واياكم عاماً ملؤه السلام والامان والتعالي على الجراح .
أربعون باصاً جديداً لتخديم خط صحنايا.. وباصات لخطوط المليحة ودمر واليرموك والسيدة زينب قريباًأعلنت الشركة العامة للنقل الداخلي بدمشق عن توقيع عقد مع مستثمر في القطاع الخاص لاستثمار خطوط نقل صحنايا في ريف دمشق بحيث سيبدأ أربعون باصاً جديداً بالعمل بعد حوالي الشهر.
وقال مدير الشركة العامة للنقل الداخلي كميل عساف لسيريانيوز إنه "تم استثمار خطوط نقل صحنايا بموجب عقد نطامي مع مستثمر من القطاع الخاص، وسيتم تخديم الخط مع تفرعاته من خلال 40 باص بعد شهر تقريباً"، لافتاً إلى أن "المستثمر قام باستيراد الباصات اللازمة وهو الآن بصدد ترسيمها واستكمال الإجراءات اللازمة للمباشرة بالتخديم".
وأضاف عساف إن "المستثمر سيعمل على تخديم خط صحنايا –برامكة وصحنايا- سومرية وصحنايا- مركز البولمان، وسيقوم مجلس المحافظة بوضع التسعيرة المناسبة عند بدء عمل الباصات"، مشيراً إلى أن "عدد الباصات قابل للزيادة حتى يصبح كافياً، حيث يتسع الباص الواحد ل 70 راكباً".
ويأتي ذلك ضمن خطة وزارة النقل الهادفة لإخلاء مدينة دمشق من الميكرو باصات واستبدالها بباصات نقل داخلي تابعة لمؤسسة النقل الداخلي ومستثمرين.
وتم في وقت سابق استبدال حوالي 220 ميكروباص عامل على خط (ميدان الشيخ محي الدين) ب50 باص نقل داخلي حديث وبمواصفات فنية جيدة تابع لشركة المستثمر محمد عتيق، وذلك بعد أن وقع المستثمر عقد مع شركة النقل الداخلي لاستثمار عدد من الخطوط أولها كان خط (ميدان الشيخ محي الدين)
وعن الخطوط التي ستبدأ باصات المستثمرين بتخديمها قريباً، كشف عساف إن "60 باصاً سيعملون على تخديم خط السيدة زينب –برامكة في الأسبوع القادم، إضافة إلى أنه ستبدأ باصات المستثمرين بتخديم خط مخيم اليرموك –مركز البولمان وخط مليحة –برامكة وخط مشروع دمر خلال أيام أي قبل خط صحنايا".
ولفت عساف إلى إنه "سيتم بالبداية طرح جميع خطوط الريف القريب من دمشق للاستثمار، بحيث نجمع المستثمرين لتوزيع الخطوط عليهم، فيعمل المستثمر على تخديم حزمة خطوط تضم خطوط قوية وأخرى ضعيفة، ويشترط على المستثمرين عدد معين من الباصات تحدده لجنة نقل الركاب، بحيث تعمل الباصات على الديزل حصراً".
وتابع إن "السرافيس العاملة على الخطوط المعروضة للاستثمار أمامها عدة خيارات، فقد يتم تحويلها للمناطق الأبعد أو المناطق التي يصعب وصول الباصات إليها، ومن الممكن أن تعمل لتخديم المحافظات الأخرى والمجموعات السياحية"، منوهاً إن "الخطوط المعروضة للاستثمار هي حصراُ الخطوط التي تعمل عليها السرافيس ولا تضم الخطوط المخدمة بباصات النقل الداخلي التابعة للشركة".
وحول مشروع استيراد الألف باص، قال المهندس كميل إنه "في حال توفر الاعتماد بموافقة اللجنة الاقتصادية في رئاسة مجلس الوزراء، سيتم الإعلان عن المناقصة الخاصة بالمشروع، وتعمل الباصات التي سيتم استيرادها تعمل على الغاز، وسيتم بناء محطات خاصة لتزويدها بالغاز اللازم لعملها، وسيتم توظيفها لتخديم الخطوط القديمة ضمن مدينة دمشق أو ضمها لبعض خطوط المستثمرين".
وأردف عساف إن "مجمل الخطوط المعروضة للاستثمار تصل إلى حوالي 20 خط يقابلها 20 خط تخدمه الشركة العامة للنقل الداخلي".
وكانت الحكومة السورية قررت في العام 2009 تكليف الشركة العامة للنقل الداخلي للإعلان عن استدراج عروض لشراء ألف باص نقل داخلي تعمل على الغاز وتخصيصها لمدينة دمشق.
وتعمل الحكومة على استبدال وسائل النقل الصغيرة بوسائل النقل الجماعية للحد من الازدحام الشديد الذي تعاني منه المدن الكبيرة في سورية وخاصة دمشق, ومن هذه المشاريع استيراد الباصات الصينية العاملة على الغاز ومترو دمشق الذي يتوقع أن يبدأ العمل عام 2015.
خطوة رائعة ...الله يتممها على خير
انشاله تكون خطوة ناجحة وتخفف عبئ على المواطن وانشاله ديمما نحو الأفضل يا بلد
كتير حلو بس يا ريت يعملو خط جرمانة الف مبرك لصحنايا
يعني هالحكي كتير حلو خاصة إنو بدو يخفف من الزحمة و(الحكي) وإن شاء الله يتم المشروع عخير ويخدم بالشكل المطلوب ويكون مدروس بالشكل الامثل.لانو أي خلل لاسمح الله رح يفتح بواب الحكي والنقد الغير فعال .وبالنهاية يا رب يتمم عخير
شكرررررررررررررررررررررررررررررا لردكم السريع علينا ونرجو الاسراع بالتنفيذ
كتير منيح و انشالله عنجد هالمشروع يصير و مبروك لأهالي صحنايا لأنو عنجد فكرة حلوة وإجت بوئتا.....
انا برأيي أنو مشروع فاشل لأنو الواحد صار بدو ضعف الوقت يلي بياخدو السرفيس ليوصل على الشام, هادا غير البهدلة لأنو الشفير مارح يشبع الا اذا اتعبت المكدوسة وكبس المخللات.
بيضل السؤال الاهم لاي ساعة بيضل الخط شغال و كيف الباص بيوسع ل 70 راكب
مو نصيحة وياريت ما تم لأن بهشي صار الوقت أكتر السرفيس بضل أخف وسؤال هل شوارع صحنايا مجهزة للبصات عللى كل حال الله يوفق لنصفق
ياجماعة اذا هلق بلا 40 باص صحنايا ماعبتقدر تمشي مشي من العجقة المسا شلون اذا مشي حال الباصات اذا صار عرس وصفوا 3 بولمانات ع شارع العام بتطر اذا ماشي تغير الطريق كلو انشاللة يمشي الحال
لاتعليق بس بدي علق ----------- 40 باص فكرة جيدة بس بلمقابل 40 سرفيس راحو للكبس و40 عائلة أنقطع رزقهم ---- الرابح الوحيد هو المستثمر ملاحظة انني لا أملك سرفيس لكي أدافع عن اصحاب السرافيس
رح انطر لكحل عيوني بشوفة باص ال70 راكب
الله يكووووووووووووووووووووووووون بعونا رح ننكبس مخللل وما حدا بيشبع
بيضلوا أرحم من السرافيس(الجرادين البيض) ومن شوفيرية السرافيس اللشايفين حالن شي شغلة كبيرة
عقبال يوم يصير في مترو انفاق صحنايا
مشروع حلو لكن كيف بدا تسير هالباصابالشارع العام
هلق شغلة كتير منيحة انو بيسع عدد اكبر من السرافيس بس متل ما علق البعض انو شارع صحنايا ضيق كتير وما في مجال يتوسع بالتالي رح يسبب زحمة مو طبيعية ومتل ما قالت الاخت منهل ...يعني في مكاري كانت تضل 24 ساعة فهل الباصات ستحقق ذلك i don`t think so
ياشاب مابصير ها الحكي وين بدكون تروحو بالسرافيس واصحابها وكمان كنا نركب على الاشرفية ب5 بدنا تصير ب10 وهادا الباص بطيئ جداا والشور صغيرة في البلدة كما ان بدنا نصير نركب على الوقف وشكراا
اي صرنا ب 2011 و ما كناا نشوف الحلووو ..... شو وينــــوو
حلوة
باسمة زغيب