نشكر جهودكم الجبارة على منع المواطنين المعترين من الوصول إلى مدينة دمشق ووظائفهم

ولكن هذه الخطة إلى ماذا تهدف لم أعلم حتى الآن !!!!!! انا رح جاوبك بسيطة اخ وجدي ؟ من اجل تخفيف الضغط عن المدن ووضعه ((للضغط)) على المواطن لتخفيف نسبة السكان المتزايدة بلا طعمة ... هذه خطة القرن بالاضافة لرفع تسعيرة الكشف الطبي ورفع اليد عن دعم المازوت لناس وناس (والعتب مرفوع والدين على المواطن)

واللة شي رائع لاذم فيق من يوم ورايح 5 صبح منشان شغلي هههههههههههههه

لك هلق شوهمنا بالسرافيس والميكرو باص روحوا شوفوا غزة والعراق

انا بس اللي بدي اعرفوا انو مالاقو احلى من عيشة قصدي من نهر عيشة يعملوا موقف

يا لعـــــلــــع (*_*) ؟؟؟؟؟

اضافة لعامل الوقت والاجرة في عامل الامان فمثلا انا ماعاد امن تنزل اختي لحالا عالشام لاوحتى مع رفقاتا وما ننسى المشاكل التي رح تصير بصحنايا وخاصة بعد مايصيرواشباب نهر عيشة يجوا ويتمشوابصحنايا من شان هيك لازم اذا منقدر نحاول نغير شي

له ...له... مو خبرية... !!!!!????????

الحق معكن كلكن لما كنت رايحة على شغلي السبت تفاجات بالموضوع، ما كان على الأقل لازم نعرف قبل اسبوع او كم يوم وبعدين بالإضافة انو المنطقة سيئة وخلف كازية وكلها أشكال ألوان كنت لازم اتسلق تلال الأتربة لحتى اطلع من الموقف العظيم يلي وصلتله بعدين انلطع ربع ساعة عم انتظر سيرفيس او تكسي او باص يوصلوني لشغلي والحال بسيرفيسات البوابة مو احسن ابدا لاني جربت هادا الخيار بس ما مشي الحال شو المفروض نعمل يمكن نشتري سيارة *-*

ما رح تفرق معك .. ما رح حدا يسمعك ؟؟؟ الأمور كلها لورا . لوين بدنا نوصل ما بعرف ؟؟؟ استخفاف بإنسانية المواطن و بعقلوا . عيب عليهن من فوق لتحت . وك ينزلوا عالشارع و يشوفوا كيف المواطن عمبيعاني .. بردان ,, جوعان ,, و الله الهجرة اهون من بلدنا ,, بدن يكشتوا المواطن من بلدو .. مو مشكلة بس يحكوا مع شي دولة عندا نقص سكان ,, و يسفرونا عكم باخرة ,, حرام و الله متت اليوم لحتى وصلت عالوظيفة ,, هادا لسى اول يوم بكرى منشوف كيف بيصير السير بعد شوية ,, حرام حرام حرام حرام ,,, يا عالم يا هوه ,, دبحتو المواطن و الله نشف دمو الله ينشف دمكن آميــــــــــــــــن ...

معئول الحكومة مشان ترضي هرشو تلعن ابو المواطن يعني كنت ادفع عشر ليرات وخلال 10 دقائق كون بالبيت مشان هرشو صرت ادفع عشرين وخلال ساعة بكون بالبيت معادلة جميلة بيجبروا السرافيس بتسعيرة خمس ليرات اذا المسافة قصيرة بس ما بيقدروا يجبروا هرشو على نفس التسعيرة هادا هرشو مو مواطن ........ وبعدين

يعنيااذا بدي روح لعند اختي بالكسوة واصل رحمي صار بدها تفكيير عميق اوبلأحرى رح صير احسبها كانو خارج المحافظة وهيك بالسنة بكفي عالعيد نزور بعضنا يعني في شي مشروع سياحي بالمنطقة ؟ خبرونا ؟

بدال ما تساعدوا المواطن عم تقضوا عالمواطن كرمال هرشو كل شي بيصير

كل ماعملوه غلط بغلط مشان هلمواظفين اكيد رح يتاخرواعلئ وظيفتون و بيوتن هادا شي حرام و كمان مصروف عليهم وكمان التعرفة بعدا 10ليرات يا سلام شوحلو هيك مشوار و شنطاطة

حرام مشان ترضوا فلان تقضوا على آلاف

اي عاااااااااااااااال يعني البنت الي بدها تتعرض لكلام هيك وهيك مين ساعتها بياخدلها حقها ومش بلا النطرة والخوف عبين ماتطلع بالباص هيدا مش منطق لازم يلاقو طريقة اريح

عنجد ماعاد نأمن ننزل لحالنا عالشام واذا لغينا نزلة الشام مافينا نلغي جامعتنا ودراستنا لازم الكل يعترض على هالبهدلة

مو طبيعي الفن يلي عم يتبعوه بهل البلد للتطفيش و الاحباط أنا من كام سنة كنت روح على الجامعة و أرجع منها بس 20 ليرة سورية واليوم صار يلزمني 60 ليرة سورية لحتا روح على المزة وارجع ... أذا تركنا الجامعة رحنا على الجيش وأن ضلينا شحدنا لانه مافي شغل ولا مصاري ... ضرايب ومحدا بيقول لأ بس معلشي لازم نقول لمسؤولينا أنتم عم تغلطوا بحقنا ... نحنى ولاد هل الوطن مو بس أولادكن هم أبناء الوطن ... هاد ما عدى الوقت صار بدنا ضعف الوقت اللازم يعني ساعتين روحة وساعتين رجعة ... لأنه ما عنا شغلة وعملة غير الروحة والرجعة

لا تعليق .... فلا يليق بنا التعليق ............. فلم لا نلتهي بالعليق ........ أنا مو مجنني غير انه الموقف الجديد في منطقة لا توجد فيها انارة وهي شبه معزولة قد كانت تستخدم سابقا حمام أو تواليت مكشوف للمزروكين ... و احياناَ للتحشيش

السلام عليكم ؟ انا بالعادة ما بحب علق على شيء لانو دق المي وهي مي بس لما بتصير البيبسي مي ممكن انو علق ؟؟ مع انو ماني موظف وما كتير بطلع برا البيت ؟؟بس هاد الشيء عزز بنفسي انو اكون تنبول اكتر واكتر وانو اذا قررت اطلع مشوار فبلاه من اصلو وبتمشى بالبيت من غرفة لغرفة ؟؟احسن لي واوفر لي؟؟ وبجد حطو على سبيس تون وخاصة المحقق كونان وطنش تعش

ليش حاطين صورة سرفيس معضمية هههههههههههههههههههه

والله شي بيقرف يعني انا بدي كل يوم روح ع الآداب بالمزة بدي 60 ليرة روحا رجعا هادا لسا ما ساوينا شي ........ كان بدي مكرويين صار بدي تلاتة........ كان بدي نص ساعة صار بدي ساعة ونص....... كنا ندافش مع اهل صحنايا لنطلع بالميكرو صرنا بدنا ندافش مع اهل نهر عيشة وحجيرة هادا اذا طلعلنا دور ....يا اخي نحنا مو قد السكاكين والمواس ..... لازم يكون في حل....مستحيل نضل هيك!!!!!!!!!!!!

هههههههههههههههههههه والله حلوة ما عاد في مكرو يوصلني لمعهدي واذا بدي اطلع ع المعهد عدوا معي شو بدي بدي اطلع ع الكراج ومن بعهدها ع الفحامة ومن بعد الفحامة باخد جرمانا ومن جرمانا ع المحلق برجع باخد حيالله مكرو بكون واقف ليوصلني ع مفرق المعهد ومن بعدها بطرقها مشي هل عرفتم اين معهدي؟ اه تذكرت لازم احكيلكون عن الرجعة اللي ملزم اني اخد تكسي لانو الشرطة في خدمة الشعب ما بتخلي المكاري يوصلوا لمفرق المعهد من بعد ال12الضهر فيا بدي ارجع من بداية الدوام او بلا المعهد شو رايكون على العلم ان التكسي اللي بترجعني ع كراج الست والانسة عيشة بدها 125 غير هيك ما في يعني مشاوري صار بدو 155 كل يوم على 10 ايام 1550 على 100 يوم15500

الاف المواطنين يدعون لله عز وجل أن ينتقم من مفتعلي هذه الأزمة إذا كنتم كبار كتير الله أكبر منكم

انا أهلي بجرمانا واللة عيب كنت روح كل اسبوع مرا 40 ليرة وبساعة ونص هلق صرت روح 120 ليرة 3 ساعات ونص وبركب ست سرافيس ذاهب ومتلا اياب لان نفس اكل الهوابجرمانا شو رايح على دير الزور أو المريخ00000000000000000000000 لك في اللة

خيييييييييييييي انا شغلي مو بالشام من صحنايا عدرعا ومن درعا ع صحنايا بس والله قلبي معكم بس مو طالع بالايد شي يلا الله بيعينكن على هال8 سنين قصدي شهور !!!!!!!!!!هههههههه

معلش يعني داقت بعينن صحنايا وداريا والكسوة ليزتونا هالزته لك موطلعنا نحنا يلي عاملين أزمة بالشام وما معنا خبر الله لا يوجهلك الخير يا هرشر ولا يشبعك مصاري أنا شغلي بالمزة كنت اخد سيرفيسين هلق بدي تلاتة من جهة البهدلة الله لايجمعني بنهر عيشة والله صرت روح على شغلي من الجديدة باخد 3 مكاري وتكسي غير اللطعة بالبرد والزنطير قال فكرت الجديدة ارقى طلع كلو متل بعضو من كل قطر اغنية كل يلي عم تحكو قال يعني مفكرين حدى شايل حكيكن من أرضو شي واحد يطلع على قاسيون ويصرخ يعيط بلكي حدى بيسمع 00000000 لك أأأأيييييي اذا سمعو مارح يردواعلينا نحنا ولا هرشو

لك الله يلعن أخت هالحالة

والله حرام حرام حرام بلي عم يعملوه بهل الشعب والله بلدنا حلوه ومنحبا ليش عم يكرهونا فيا مو حرام

رسالتي هذه أتوجه بها لكل شخص يقول عنه الناس أو هو يقول بأنه مسؤول: إذا كنت أيها المسؤول تحترم نفسك عليك أن تعمل على أن يكون المواطن بأحسن حالاته النفسية والأخلاقية والمادية أيضاً ، وتأكد بأنه أي المواطن عندما يكون بأحسن حالاته تكون أنت أيها المسؤول بأفضل وضع وأنسب مكان ، هذا إذا أنت أيها المسؤول تريد مصلحة بلدك . أما إذا لا تهمك مصلحة بلدك فإفعل ما شئت ، لأنه في النهاية الكلام سوف تكون أنت مكان تجمعه ، وقرارك أنت فقط سوف يحدد مستوى الكلام الذي ستسمعه ، فلماذا لا تختار أن يكون الكلام الذي تسمعه من قياس الكلام الآدمي المحترم يا محترم يا أيها المسؤول ؟؟؟ وإلاَّ سوف تسمع الكلام الذي يمنعه موقع صحنايا وغيره من النشر........................................ ................................................. ................................................. .................................................... .................................................. ................................................ الى الاخ الكريم يجب ان تعرف اننا في هذا الموقع نبحث عن الحقيقة ونريد ان نسلط الاضواء على كل قضية تهم مجتمع صحنايا ونبحث عن التعليقات والمقالات الجريئة التي تناقش قضاياناالحياتية والمعيشية والاجتماعية لننشرها للعلن . ولكن وكما قلنامراراً وتكراراً نريد الاسم الصريح لكاتب المقال او التعليق ونتعجب منك ومن كثر مثلك يتهموننا اننا لانظهر تعليقا تهم وهم خائفون من اظهار اسمائهم فاذاكنتم خائفون لاتكتبوا وتطلبوا منا ونحن معروفون لدى الجميع ان نظهر تعليقاتكم وغالباً تكون بلغة غير لبقة فنرجوا من الجميع ان يكون مسؤول البلد يعنينا جميعاً , نرجو ذكر الاسماء اذا كنتم على حق ........ ..................................الادارة

http://www.syria-news.com/readnews.php?sy_seq=109284 ....................... هذا رابط الخبر على موقع سيريا نيوز وكما هو واضح منع الناس من التعليق على الخبر وبأستطاعتكم التأكد بالكبس على الرابط السابق ... بس يا عيب الشوم على النقل وعلى الأعلام يلي عامل حالوا حر

والله عيب ليش هيك عبيصير نحنا مغتربين كرهتونا نرجع على بلدنا كيف المواطن بدوا يتحمل نحنا بالغربة معززين وبلدنا مشرشحين حاجي نصب واحتيال على الشعب المسكين لانوا صار يفهم خلاصناااااااااااااااااااااااااااااخ.

والله حرام يلي عملوه بالمواطنين والطلاب شو هالمكان الراقي نهر عيشة والله ماعاد أمن على اخواتي ينزلو لحالن كلو أشكال ألوان وانا متأكد انو رح يصير مشاكل كتير من ورا هالتطوير يلي زادت في المصاريف وطول الطريق علينا لازم يلاقوا حل لهل المشكلة الصعبة

طبعا انا دائما مشتاق للوطن ومشتاق للعودة بس لم اسمع وشوف شو عم يصير تحت بحب ضل هون وخلي اشتياقي موجود معي هون يعني ما فهمت العالم بيمشي لقدام و نحن منرجع لورا الناس تحت بيميكرو واحد مو مخلصة كيف هلق من بعد ماصرت بدك كذا ميكرو لحت توصل لبرامكة عن جد الله يكون بعونكم ويحمل معكم سؤال اخير مين هوي هرشر ؟؟؟

من نهر الأعوج لنهر عيشي خط السرافيس اي شو هل عيشي ومن ورى الكزية لأرض للفحامة بنات صحناياوالأشرفية مليون تلطيشي وشباب البلدين عم يشكواهمومهم من عي الجامعات لهم العيشي التايتانك الأخضر كلو مرايا شو بدنا نعمل بهل هدايا من جوى والله قلبي عم يبكي من كتر هموم الشباب والصبايا

مين المسؤول على يلي عم يصير انا بئلكن مين الحء عالمواطن لانو انتخب ناس يمثلوا بمجلس الشعب وللاسف هنن مو دايرين على مصلحة المواطن دوبهن يلحقوا حالهن بهل اربع سنين مشان هيك هرشو والمصري عم ينزلوا باصاتهن والمواطن بيدفع ضريبة بدل مايوصل ب10 ليرات صار يدفع 20 وبدل ما يوصل عمروا ما يصل

مواطن معتر ساكن بأخر منطقة الدحاديل يعني اذا بدي روح على البرامكة بدي سرفيس + باص من عند الكراج الجديد مو هون المشكلة سرافيس الدحاديل مابشتغل قبل الساعة / 7 أو 8 / الصبح بس يلي بيطلع على الشغل الساعة / 6 / هون بيلاقي مشكلة يا أما بيدفع ثمن سرفيس كسوة أو صحنايا + باص على البرامكة بس كمان موهون المشكلة الكبيرة . خط الرجعة صار في أزمة على خطوط سرافيس الدحاديل يعني يامحلى أزمة طوابير دعم المازوت غير هيك باصات الدولة على اعجق + مابتوصل على الدحاديل وبالأخير بتطرقها مشي تقربيا عشرين دقيقة حتى توصل يعني الله يرحم أيام زمان بسرفيس واحد بتختصر كل هالحكي سرفيس كسوة أو صحنايا

هرشو بس مين يلي انهرش محدا بيعرف أو بالاصح هر وبعدين شو يلي هرو ركاب صحنايا شو صار بالبقية ماحدا بعرف إلنا الله وباصات التايتنك الخضرا بس لازم يستفيدو من الباصات بدعايات المتة بكون عملو خدمة أكبر للمواطن لأنو المتة بتسلي أكتر من الركض ورا الباص وبعدين مافيا تعب ههههههههههههه انتظرو منا قريبا باصات الأحلام للوصول الأسرع وانت نايم بتروح عالوظيفة

الله يلعن كل واحد الو أيد بالموضوع والله لا يشبعك يا هرشو لانك نازل هرش بالناس على حساب راحتن ووقتن وأمنن. واذا هالمسؤولين بيحترموا حالن لازم يرجعوا خطوط السرفيس متل ما كانت احسنلن . وعلى الاغلب ماحدا يردعلينا. لك آخخخخخخخخخخخخخخخخخخ

إذا كان كل ركاب باض النقل الداخلي الأخضر لابسين أحمر من بين من القمر متل البطيخة عم تدحكل

بدي اعرف ليش باصات هرشو مسموح الها انو توصل على قلب المدينة؟ طالما ان هنالك سماح لباصات النقل الخاصة الجديدة بالدخول الى المدينة اقترح ان يتكاتف اهالي بلدتي صحنايا والاشرفية بدعم مشروع نقل اهلي مشترك من الباصات الجديدة اظن انه بالامكان شراء 3 او 4 باصات اهلية خاصة ببلدتي صحنايا والاشرفية و هكذا يمكن ان يسيروا على نفس خط هرشو ومن صحنايا الاشرفية الى داخل المدينة وهيك ممكن نكون حلينا الازمة ويمكن عم نكون ندعم اولادنا بصحنايا وممكن يكون مشروع تجاري مربح كمان خلينا نعتمد على نفسنا لانو ما بقى في مجال الى انو تحك جلدك بظفرك وما في احلى من الحل الاهلي وكلنا هل بهالبلدتين وخلينا نعمل شركة اهلية خلي هالنداء يكون لكل الاهل بالبلدتين وقعدوا واجتمعوا واحكوا يمكن تلاقوا حل للموضوع

الاخ فائز زاكي .... يا ريت كل العالم بتفكر متلك ... ولكن يا أخي الكريم لن ولم يجتمعــــــــــوا .... ان المتضررين هم المعترين ... ممن لا يملكون السيارات .... والمستنفزين لم يتضرروا فهم الآن يضحكون من خلف نوافذ سياراتهم على عجائب الدنيا .... ألنا الله نحنا

يعني وزير نقل فكر حال عم يشتغل ويحسن بالمواصلات وكما وزير البيئة شو عم يساوي على أساس تخفيف التلوث عن مركز بلد شو هالقرف ينظفوا حالن وينظم حالن قبل ما ينظموا بلد .صارت أسرة تدفع كل راتبها على المواصلات لك وياريت مواصلات . لحنا بلد عمرنا مامنصير . لحنا بلد كل نصابين وسراقين ودجالين ........... يعني بصراحة الوزارات والوزراء ما عم بيناموا حتى يتفننو بكيفية وآلية خنق المواطن بالدراسة الزفت والرواتب الزفت وأسعار المواد الزفت والضرايب زفت و فرص العمل زفت أسف حتى زفت قرف منهم وستحى منهم

انا كنت خايفة انزل عالشام بعد الي سمعتو بس لما نزلت شفت المهزلة وكيف بيتبهدل الواحد ما بتكفي بهدلة دفاتر المازوت؟؟؟؟؟؟؟؟؟؟؟؟؟؟؟؟

اجمل بلد بلعالم صحنا يا روح لمجد يا اجمل ما خلق ربي من دروز ومسحية واسلا م صحنا يا يا روحي ويا قلبي بحبيك مع تحيات وعد قر قماز وثا ئر عبووووووووووووووووووووووووووووووووووووووووووود

خارق حارق متفجر عن المكاري نتحدث معلومات عامة : ما هو المكرو: هو وسيلة نقل تستخدم في الشوارع السورية بكثرة حيث تتكون هذه الوسيلة من علبة اسطوانية او شبه اسطوانية و من ثلاث أبواب اثنان طبيعيان وباب ثالث فضائي و هو باب الزبائن أي (المفعول بهم) وأربعة دواليب تقاد من قبل أشخاص غالبا ما تكون نسبة الـ IQ لديهم دون الصفر!! سنتحدث عن المكرو: 1-الباب الفضائي (باب الزبائن) حيث إن تقنية إغلاق الباب هي الكرج عن طريق الدفش من قبل الزبون أو استخدام نظرية القوه النابذة من قبل الشوفير ((عن طريق ضرب فرام شديد)) ولكن هذه التقنية قد تودي إلى بعض الإصابات, كما انه من الممكن أن يقوم الزبون بخبط الباب بقوة إذا انزعج من الشوفير إما من غباء الأغنية التي يضعها الشوفير أو لأنه وقف للزبون في غير المكان الذي أراده الراكب 2-المحاسبة وهي دفع الأجرة للشوفير إيصال المال للشوفير عن طريق إعطاء المال للراكب الجالس أمامك فالذي أمامه إلى أن تصل للشوفير (العلاقة المتعدية في الرياضيات) وتعود الكمالة اليك بنفس التقنية ,غالبا تتم عملية صرف النقود بين المكرو ووسيلة نقل اخرى يحتاج لمزامنة حيث يسير الاثنان بنفس السرعة وتتم عملية صرف القطع النقدية بالاستعانة بركاب المقعد الأول إن وجدوا,, كما أن الرجل الجالس خلف الشفير ممكن أن يستخدم كمحاسب يقوم بحساب المال ويكشف المتهربين من الدفع ..! 3-كيف اركب المكرو !!؟ في الأوضاع العادية: عن طريق التأشير بالإصبع أو باليد، إذا لم يكن يوجد أماكن في المكرو سيرد عليك الشوفير بأصابعه الخمسة وتعني (لا يوجد أماكن.! هل تريد الصعود على الواقف؟) ويتقرر بفترة لا تزيد عن ثانية ويا بتحلقلو او بتوافق ((ولكن انتبه من أن تضرب رأسك أنت وصاعد على المكرو بسبب انخفاض فتحة الباب)) في أوقات الازدحام: عندما يصل المكرو قم بتدفيش كل من حولك حتى من لايوحون بأنهم يريدون الصعود و قم بفتح الباب و اصعد قبل أن ينزل الزبائن من داخل المكرو ((هذه هي الطريقة الوحيدة للصعود إلى المكرو أوقات الزحام)) و طبعا تعتمد هذه الطريقة على لياقتك البدنية بشكل كبير. 4-كيف انزل من المكرو !!؟ حيث تبدأ بالعياط للشفير ((وقف يا معلم..ياحبيب..يادب..)) حسب درجة انطراب الشوفير بأغاني الكراجات وكل ما ارتفعت الوتيرة كل ما كانت نسبة استماع الشوفير إليك اكبر ..! :] اما اذا كنت من الجنس اللطيف و كان كتير صوتك ناعم فلاتخافي لأن جميع ركاب المكرو من الرجال سيصرخون معك نزّلاااااااااااااااااااااااااااا!!!!

صارت المواصلات صعبة وخصوصا على طلاب الجامعات والمعاهد والموظفين نطلب من الجهات المعنية في صحنايا (فرقة حزبية او غيرها)والقادرة على حل بسيط من هذه الأزمة ان توضع (خط صحنايا ـــ مزة)وشكرا

بعد تغير المواقف تمت نفس الزحمة طيب ما رأيكم يا مسوؤلين بحل اخر وهو الحسن متل الدول المتقدمة لأنة سيارات الخدمة تدخل المدينة والتكاسي والسيارات الخاصة تبقى خارج المدينة وين نظركم يا صاحبين النظر لأن سيارات الخدمة للناس الفقيرة و اكثرهم نسبة وممكن يلعندهم سيارات استخدام هذه الخدمة هذا العدل